Hemen zaude:
 » 
Albisteak

Albisteak

RSS - RDF - Atom feed

Adimen artifizialarekin garatutako gaztelania-euskara itzultzaile automatiko iraultzailea eskuragarri

modela.JPG

EIZIE | 2018-12-03

Donostiako Koldo Mitxelena Kulturunean aurkeztu zuten azaroaren 28an Modela proiektua:

  • Azken belaunaldiko teknologia adimenduna du oinarri orain arteko euskarazko itzultzaile automatikorik onenak.
  • Tresna azkarra eta erabilerraza da, lau euskal zentro teknologikoren, Euskal Herriko Unibertsitatearen eta itzulpen enpresa baten arteko elkarlanaren emaitza.
  • Euskara zabaltzeko aukera emango du, eta Euskal Herriko enpresen eleaniztasunean eragingo du.

Osorik irakurri...


Hizkuntza txikien arteko itzulpengintzaz, Durangoko Azokan

Besteak-gure-ispilu.jpg

EIZIE | 2018-11-29

Aurten, Durangoko Azokan izango da EIZIE, Esloveniatik etorri zaizkigun lagunekin egingo dugun solasaldi batean.

Besteak gure ispilu: Itzulpengintza, hizkuntza txikien arteko zubi izenburua jarri diogu mahai-inguruari, eta honako idazle eta argitaratzaileak izango dira gure artean: Juan Kruz Igerabide, Barbara Pregelj, Peter Sventina eta Amaia Apalauza. Elizabete Manterolak gidatuko du saioa.

Noiz: 2018ko abenduaren 7an (ostirala), 16:00etan

Non: Durangoko Azoka - Areto Nagusia

Osorik irakurri...


Literatura Unibertsala wikitzen: 'Zeru Horren Infernuak', Shakespeareren sonetoak euskaraz

wiki-festa.jpg

EIZIE | 2018-11-23

Wikilarien Elkarteak Wiki-festa bat antolatu du Idazlezainak egitasmoko liburuzainek aurten egindako lana erakusteko eta lankide eta laguntzaile izan gaituztenekin ospatzeko.

Ekitaldia azaroaren 26an izango da, Victoria Eugeniako Club aretoan, arratsaldeko 18:30ean.

Literatura unibertsaleko 54 autore liburua aurkeztuko dute, eta, ondoren, William Shakespeareren Sonetoen errezitaldi musikatu bat eskainiko dute Juan Garziak, Olatz Pratek eta Aritz Brantonek, Joxan Goikoetxea musikariarekin batera.

Gonbidapenak Victoria Eugeniako leihatilan eskuratu ahal izango dira azaroaren 26an bertan, arratsaldeko 17:00etatik aurrera.


«Nola erabili corpusak modu eraginkorrago batean» ikastaroa, Bilbon

corpusak.jpg

EIZIE | 2018-11-21

«Nola erabili corpusak modu eraginkorrago batean» ikastaroa antolatu du EIZIEk, Isabel Etxeberria irakaslearekin.

Bilbon izango da, 2018ko abenduaren 13an eta 14an, Euskararen Etxean, arratsaldeko 16:00etatik 20:00etara.

Helburuak eta edukia: Euskarazko corpus nagusiak aurkeztuko ditugu (Ereduzko Prosa Gaur, Egungo Testuen Corpusa, Elhuyar Web Corpusa, Zientzia eta Teknologiaren Corpusa, Zuzenbide Corpusa…), eta bakoitzaren bilaketa-aukerak eta trikimailuak arakatuko ditugu, corpus bakoitzari ahalik eta etekin handiena atera nahian.

Informazio gehiago eta izen ematea, hemen.


Xalbador Garmendia hil da

xalbador-garmendia.jpg

EIZIE | 2018-11-15

Ohorezko bazkide izendatu zuen EIZIEk 2000. urtean Xalbador, beste batzuekin batera, aurreko belaunaldiek egindako lan eskerga aitortze aldera.

Itzultzaile eta zuzentzaile ez ezik, beste arlo ugaritan jardun zuen Xalbadorrek, euskalgintzan eta kulturgintzan: hizkuntzalari, idazle, antzerkigile, irakasle, musikari…

Osorik irakurri...


Euskal Itzulpengintzari buruzko topaketak Bulgarian

bulgariasolasaldiak.png

EIZIE | 2018-11-07

Itzultzaile Berriak programaren harira iaz Eslovenian ibili ondoren, aurten Bulgarian izan gara EIZIEko hiru ordezkari 2018ko urriaren 17tik 19ra.

Hiru egun oso egin genituen Bulgarian Garazi Arrulak, Elizabete Manterolak eta Arantzazu Royok, itzulpengintzak literaturaren garapenean eta euskal kulturan duen garrantziaren berri emateko, besteak beste.

Jarraitu irakurtzen...


Aintzane Atelak jasoko du “Vitoria-Gasteiz” saria

Aintzane Atela Konkorduna.jpg

EIZIE | 2018-11-06

Aintzane Atelak irabazi du aurten Vitoria-Gasteiz Saria, gazte-literaturaren arloan, Konkorduna eta "Mila eta bat gau" liburuko beste ipuin batzuk liburuaren itzulpenagatik.

Osorik irakurri...


Alemaniar literaturako itzultzaileen topaketa (Berlin / Leipzig, 2019ko martxoak 17-24)

lcb.jpg

Teresa Pradera | 2018-11-05

2019ko martxoaren 17tik 24ra, Literarisches Colloquium Berlin erakundeak mintegi bat egingo du alemaniar literaturako mundu osoko 30 itzultzaile profesinalentzat.

Osorik irakurri...


«Zuzenketa-lana: tipula zuritzen» ikastaroa, izena emateko epea zabalik

tipula.jpg

EIZIE | 2018-11-05

«Zuzenketa-lana: tipula zuritzen» ikastaroa antolatu du EIZIEk, Donostian.

Irakasleak: Irene Arrarats eta Maialen Berasategi

Noiz: 2018ko azaroaren 21ean eta 22an

Non: Donostian, Euskaltzaindiaren egoitzan

Ordutegia: 16:00 - 20:00

Helburuak: Testuak zuzentzeko lanaz gogoeta egitea, bereziki euskarazko testuei erreparatuz, eta aintzat harturik zein izan litezkeen ikuspegi orokor baten oinarriak. Halaber, lan horren alderdirik garrantzitsuenetako batzuk lantzea, guztiz asmo praktikoarekin: irizpideak eta helburuak, zuzenketa-prozesuan izaten diren trabak, aintzat hartzeko moduko jokabide batzuk...

Izena emateko epea: 2018ko azaroaren 5etik 12ra, biak barne

Informazio gehiago eta izen ematea.


Kalean da 'Senez'en 49. zenbakia

senez49.jpg

EIZIE | 2018-10-19

Zabaldu da leihoa. Eta kantari hasi da Senezeko txoria. Kantu aberatsa dakarkigu, gainera, doinu eta kolore askokoa.

Aurten, 287 orrialde, 22 artikulu, hamaika egile, eta beste horrenbeste gai. Oraingoan ere, itzulpengintzarekin loturiko alderdi gehienak ukitu nahi izan baititugu: literatura-itzulpena, administrazioko testuen itzulpena, itzulpen espezializatuak, zuzenketa, interpretazioa… Egileen artean ere, ibilbide luzekoak zein gazteagoak, itzultzaile-jardunean ari direnak zein mundu akademikoan dabiltzanak bildu zaizkigu aldizkariaren doinura.

Osorik irakurri...


Albiste zaharragoak »